2015 წლის 1-ლი იანვრიდან, პოლიტპატიმრის სტატუსით გათავისუფლებული პირები, თბილისში მუნიციპალურ ტრანსპორტზე შეღავათებით ისარგებლებენ, - ამის შესახებ თბილისის მერმა დავით ნარმანიამ პრესკონფერენციაზე განაცხადა.
მისი თქმით, პოლიტპატიმრის სტატუსით გათავისუფლებული პირთა სიას მერიას იუსტიციის სამინისტრო გადასცემს და ისინი 20-თეთრიანი ტარიფით ისარგებლებენ.
"პოლიტიკურად დევნილები და რეპრესირებული ადამიანები მუნიციპალურ ტრანსპორტზე შეღავათებს პირველი იანვრიდან მიიღებენ, ის ადამიანები, რომლებიც პოლიტიკური ნიშნით იყვნენ დაკავებულნი და არიან გათავისუფლებულნი", - განაცხადა ნარმანიამ.
