,,მართალია, ხარისხით და რაოდენობით, ბევრად ჩამოუვარდება იმ არმიას, რომელიც ომის შემდგომ წლებში გვყავდა, მაგრამ ვერ ვიტყვით, რომ დღეს ჩვენ არმია არ გვყავს. იმისთვის, რომ თანამედროვე სტანდარტების შესაბამისი სამხედრო ძალა გაგვაჩნდეს, საჭიროა ფინანსები. ჩვენი სამხედრო ბიუჯეტით კი 25 ტანკს თუ ვიყიდით, ამიტომაც გვჭირდება რუსეთის დახმარება." - განუცხადა ჟურნალისტებს ოკუპირებული აფხაზეთის ე. წ. პრეზიდენტმა რაულ ხაჯიმბამ.
მისი თქმით, აფხაზეთს რუსეთი სწორედ ძლიერი არმიის შექმნას სთავაზობს და აფხაზ ხალხს არ შეუძლია, უარი თქვან ამ შეთავაზებაზე.
,,რაც შეეხება რუსულ ქვედანაყოფებს, რომლებზეც საუბარია რუსეთის მიერ შემოთავაზებულ სამოკავშირეო ხელშეკრულებაში, ამან არ უნდა შეგვაშინოს. აქ საუბარია ოპერატიულ ჯგუფებზე, რომლებიც მშვიდობიან პერიოდში ჩვენსა და რუსულ სამხედრო ბაზებს შორის კოორდინირებულ მუსაობას სეუწყობენ ხელს და დაგვეხმარებიან, სხვადასხვა დოკუმენტის შემუშავებაში. ხოლო, თუ საქმე ჩვენს მიმართ რომელიმე ძალის მიერ აგრესიის გამოყენებაზე მიდგება საქმე, მხოლოდ ამ შემთხვევაში შემოუერთდებიან ისინი აფხაზურ ქვედანაყოფებს" - განმარტა ხაჯიმბამ.
მან აღნიშნა, რომ ამ საკითხთან დაკავშირებითაც შეიტანეს შესწორება ხსენებულ ხელშეკრულებაში და მკვეთრად მიუთითეს, რომ საომარ ვითარებაში, რუსული ოპერატიული ჯგუფები მოქმედებებში მხოლოდ აფხაზეთის შეიარაღებული ზალების მეთაურის ანუ პრეზიდენტის ბრძანებით ჩაერთვებიან.
,,ასეთივე მითითებებია შეტანილი იმ საკითხებში, რომელიც აფხაზეთში განლაგებულ სამხედრო ბაზებს ეხება, ამიტომ მსგავსი ხელშეკრულებების არ უნდა შეგვეშინდეს. ესაა შემდგომი განვითარებისთვის ჩვენი შანსი და აფხაზეთის სუვერენიტეტის მიმართ რაიმე საფრთხეს მასში ვერ ვხედავ." - ამბობს ე. წ. პრეზიდენტი.
