ბიძინა ივანიშვილის გადაცემას 2030 ერქმევა. როგორც ყოფილმა პრემიერმა "მოამბისთვის" მიცემულ ინტერვიუში განაცხადა, ყოველკვირეული ანალიტიკური გადაცემა იქნება GDS-ზე.
"კვირაში ერთხელ, კვირაობით ალბათ, მე პირადად. ყოველკვირეული ანალიტიკური გადაცემა იქნება GDS-ზე 2030 საზოგადოების, 2030 - ოცი ოცდაათად დავამრგვალეთ და ეს სახელი გვინდა შევინარჩუნოთ. პროექტსაც იგივე სახელი დავარქვით. ალბათ ყოველდღიური ორშაბათიდან პარასკევის ჩათვლით იქნება რაღაც დროით ეს ანალიტიკური გადაცემა, სადაც სამი ანალიტიკოსი და კიდევ მოწვეული ჩვენი ჯგუფიდან, საზოგადოება 2030-დან და ესევე გარედან საინტერესო პიროვნებებით მოხდება ანალიზი. კვირაობით მე მოვახერხებ 1 საათის განმავლობაში 3 წამყვანთან ერთად, ძირითადი ანალიზი გავაკეთო", - განაცხადა ივანიშვილმა და აღნიშნა, რომ ის წამყვანი არ იქნება, თუმცა წამყვანებთან ერთად იქნება.
