არასამთავრობო ორგანიზაციის წარმომადგენლებმა, მთავარ პროკურატურასთან აქცია-ბრიფინგი გამართეს. მათ ხელისუფლებას მოუწოდეს, პროკურატურის პოლიტიკურ ინსტრუმენტად გამოყენება არ მოხდეს და განაცხადეს, რომ წინააღმდეგ შემთხვევაში მთავარ პროკურატურასთან აქციებს მომავალშიც გამართავენ.
როგორც ბრიფინგზე "ახალგაზრდა უფლებადამცველთა ასოციაციის" ხელმძღვანელმა ლექსო კობაიძემ განაცხადა, თავდაცვის სამინისტროს წინააღმდეგ წარმოებული საქმეები აჩენს ეჭვს, რომ მთავარი პროკურატურა პოლიტიკური ანგარიშსწორების ინსტრუმენტად გამოიყენება, რასაც საზოგადოება არ დაუშვებს.
აქციაში "ახალგაზრდა უფლებადამცველთა ასოციაცია", "ადამიანის უფლებათა დაცვისა და კონფლიქტოლოგიის ცენტრის" და "ნოვატორები" 5 წარმომადგენელი მონაწილეობდა.
