საავტომობილო ჟურნალი "აუტო ბილდ საქართველო" კომპანია "ვისოლის" მხარდაჭერით, მსოფლიოში ყველაზე პრესტიჟულ საავტომობილო დაჯილდოებას - "ოქროს საჭე 2014-ს" საქართველოშიც მართავს, რომელიც საუკეთესო ავტომობილების გამოვლენას გულისხმობს.
პირველი, გახსნითი აქცია-ღონისძიება გაიმართება „ნისანის ცენტრში" (დ. აღმაშენებლის ხეივანი N4), შაბათს, 8 ნოემბერს, 13.00 საათზე.
„ჯეო ავტო", "ნისანის" ოფიციალური დისტრიბუტორი საქართველოში, ავტომოყვარულებს "ნისანის" მოდელების მხარდაჭერისკენ მოუწოდებს: SUV-კლასში წარმოდგენილია განახლებული Nissan X-TRAIL 2015 ინოვაციური ძრავით, უსაფრთხოების და კომფორტის უმაღლესი ხარისხით; სპორტული ავტომობილების კლასში: Nssan GTR Nismo და კომპაქტური კროსვერების კლასში ახალი Qashqai და Pulsar.
ღონისძიების ფარგლებში, ჟურნალისტებს საშუალება მიეცემათ "ნისანის" ახალი მოდელები თავად გატესტონ.
კონკურსში მონაწილეობას იღებენ წლის საუკეთესო ავტომობილები, რომლებიც გადანაწილებულნი არიან 6 კლასში. რჩეული ავტომობილისთვის ხმის მიცემის პროცედურა მიმდინარეობს ვებგვერდზე: www.autobild.ge.
ხმის მიცემის პროცედურა იანვრის ბოლომდე გაგრძელდება და საზეიმო დაჯილდოვების ცერემონიალით დასრულდება. საუკეთესო ავტომობილების გამოვლენის კამპანიაში ჩართულნი არიან საავტომობილო დილერები, სხვადასხვა ავტო ბრენდის ფან კლუბები და სხვა გულშემატკივრები.
"ოქროს საჭე 2014"-ის კონკურსში მონაწილე მსოფლიოს წამყვანი ბრენდების უახლესი მოდელებისათვის რეკომენდებული სწორედ უახლესი ევროპული სტანდარტის, უმაღლესი ხარისხის საწვავია, რომლის რეალიზაციასაც საქართველოში „ვისოლი" "ეკოს"პროდუქტების სახით საკუთრებაში არსეული ავტოგასამართი სადგურების ყველაზე ფართო ქსელის საშუალებით ახდენს. შესაბამისად, "ვისოლი" მოხარულია იყოს მხარდამჭერი საავტომობილო სივრცეში წლის ყველაზე მნიშვნელოვანი ღონისძიებისა", - აცხადებს „ვისოლ პეტრლიუმ ჯორჯიას" გენერალური დირექტორი ვასილ ხორავა.
