თბილისის მერიის ინიციატივით, ხვალიდან თბილისის გამწვანების საშემოდგომო სეზონი ტყე-პარკების მასშტაბური განაშენიანებით იწყება.
ხვალ, 8 ნოემბერს, 10 საათზე, დიღმის ტყე-პარკში 600-მდე ფიჭვოვანი და ფოთლოვანი ჯიშის, მათ შორის, კიპარისის, კედარის, ფიჭვისა და ცაცხვის ხე-მცენარეები დაირგვება.
გამწვანების აქციაში მონაწილეობას მიიღებენ თბილისის მერი დავით ნარმანია, მერის მოადგილეები და საქალაქო სამსახურების ხელმძღვანელები. აქციაში, ასევე, ჩაერთვებიან გარემოსდაცვითი არასამთავრობო ორგანიზაციები.