9 ნოემბერს, 11:00 საათზე სასტუმრო Holiday Inn-ში სამედიცინო კორპორაცია ევექსის წარდგენით გაიმართება კონფერენცია თემაზე: სამედიცინო ტრანსპორტირება კრიტიკული პაციენტების მართვის დროს. კონფერენციას მეიოს კლინიკის სამედიცინო ექსპერტები გაუძღვებიან და ქართველ ექიმებს რთული შემთხვევების მართვის საერთაშორისო გაიდლაინებს გააცნობენ, როგორც ახალშობილთა, ასევე მოზარდთა ტრანსპორტირებისას.
მეიოს კლინიკა საქართვალოსთან 2012 წლიდან თანამშრომლობს და ჯანდაცვის განვითარების მიზნით, სხვადასხვა დარგის ექიმებს პერიოდულად ამზადებს. თანამშრომლობის ფარგლებში, კრიტიკული პედიატრიის დარგში, საქართველოს უკვე ექვსი ლიცენზირებული ტრენერი ყავს, რომლებსაც მსოფლიოს ნებისმიერ ქვეყანაში შეეძლებათ პედიატრების გადამზადება. აღსანიშნავია რომ, მეიოს მიერ ჩატარებული საგანმანათლებლო ტრენინგების მიზანი საქართველოში დედათა და ბავშვთა სიკვდილიანობის შემცირებაა. მსოფლიოს წამყვანი სამეცნიერო ინსტიტუტების კვლევების თანახმად სწორად განხორციელებული სამედიცინო ტრანსპორტირება მძიმე პაციენტების გადარჩენადობის მაჩენებელს 4-ჯერ ზრდის.
კონფერენცია „სამედიცინო კორპორაცია ევექსის" მხარდაჭერით იმართება და მასში მონაწილეობას ჯანდაცვის სამინისტროსთან ერთად ჯანდაცვის სფეროში მოღვაწე საერთაშორისო და არასამთავრობო ორგანიზაციები მიიღებენ.
