განათლებისა და კულტურის კომისიამ დღევანდელ სხდომაზე ჯანმრთელობის და სოციალურ საკითხთა კომისიასთან ერთად, ბაგა-ბაღებში ეპიდემიების პრევენციასიის, კვების და ჰიგიენის საკითხები განიხილა.
სააგენტოს კონსულტანტმა სურსათის უვნებლობის საკითხებში წარმოადგინა ანგარიში, სააგენტოს მიერ ბაგა-ბაღებში განხორციელებულ მონიტორინგზე.
შეხვედრაზე იმსჯელეს მწვავე პრობლემებზე, რომლებიც სკოლამდელი აღზრდის დაწესებულებებში ბავშვთა დაავადებების ადრეულ სტადიაში დიაგნოსტიკასა და მათ პრევენციას შეეხებოდა.
კომისიების წევრების განცხადებით, ბაგა-ბაღებში ექიმის შტატის დამატებით, გრძელვადიანი ეფექტის მიღწევა გახდება შესაძლებელი. არსებობს მთელი რიგი დაავადებები, რომელთა დიაგნოსტიკა შესაძლებელია 2- დან 5 წლამდე და დროული მკურნალობა შესაძლებელს გახდის მათ სრულად აღკვეთას.
