საქართველოს ტექნიკური უნივერსიტეტის დიზაინის საერთაშორისო სკოლა დაინტერესებულ პირებს ავსტრიელი დიზაინერის, ჯეიმს სკოუნის 3-დღიან სემინარზე იწვევს. 11-13 ნოემბერს, 11:00 საათიდან 17:00 საათამდე, ტარდება სემინარი „ვენური გრეხილი სკამების დიზაინი".
საქართველოს ტექნიკური უნივერსიტეტის დიზაინის საერთაშორისო სკოლის დირექციის განცხადებით, სემინარზე დასწრების მსურველებმა უნდა მიიტანონ ძველი სკამი და შემდეგი ინსტრუმენტები: ხერხი, ბურღი, სტეპლერი (ხის), ფიცრები. საჭირო მასალის შეძენა შესაძლებელია სემინარის დროსაც, იმისდა მიხედვით, თუ როგორი სკამის გაკეთებას გადაწყვეტენ მონაწილეები.
სემინარის დასრულების შემდეგ მონაწილეების მიერ გაკეთებული სკამები გამოიფინება უნივერსიტეტის ეზოში. სემინარზე დასწრება თავისუფალია. ადგილების რაოდენობა შეზღუდულია, მაქსიმუმ 10-15 სტუდენტი ). მსურველები წინასწარ უნდა დარეგისტრირდნენ (საკონტაქტო ნომერი: 599551216). რეგისტრაციის ბოლო ვადაა 6 ნოემბერი.
