ფოთის პორტში გემების მიღება ისევ არ განახლებულა. როგორც სააგენტო "ჯი-ეიჩ-ენს" ფოთის პორტში განუცხადეს, ზღვაში დაფიქსირებული შტორმის გამო პორტიდან გემების გაყვანა, ან შემოყვანა ამ დროისათვის არ ხორციელდება, თუმცა 5 ნოემბრის დილიდანვე გემების პორტში შემოსვლა უკვე შესაძლებელი იქნება, რადგანაც ზღვაზე შტორმიც აღარ იქნება. პორტში განმარტავენ, რომ დღეს შტორმის მაჩვენებელმა დაიწია და პორტის ტერმინალები ჩვეულ რეჟიმში მუშაობს.
"ასეთი შტორმი ზღვისთვის და ნავსადგურისთვის ყოველთვის დამახასიათებელია. რაიმის დაზიანებას, ზარალს და ზიანს ადგილი არ ქონია. მსგავსი ტიპის შტორმები წლის განმავლობაში შესაძლოა რამდენჯერმე იყოს. შტორმის მაჩვენებელმა დაიწია და ტერმინალმა მუშაობა ჩვეულ რეჟიმში განაახლა", - აცხადებენ ფოთის პორტში.
შეგახსენებთ, რომ შტორმის გამო თავად ფოთის პორტის მუშაობა შეფერხებული, ხოლო გემების მიღება შეჩერებული იყო.
მასალის გამოყენების პირობები
