კამპანიაში „ეს შენ გეხება - ისევ გვისმენენ" მონაწილე არასამთავრობო ორგანიზაციები მოვუწოდებენ საქართველოს პარლამენტს და პარლამენტის თავმჯდომარეს დავით უსუფაშვილს, უმოკლეს ვადებში ორგანიზება გაუკეთოს საპარლამენტო სამუშაო ჯგუფის შეხვედრას.
ამასთან, ისინი მიიჩნევენ, რომ აუცილებელია, ქვეყნის მმართველ შტოებს შორის უახლოეს პერიოდში დიალოგის დაწყება, რათა ხელისუფლებამ დროულად მიიღოს პოლიტიკური გადაწყვეტილება სამართალდამცავი უწყებების მიერ მოქალაქეთა პირად ინფორმაციაზე წვდომასთან დაკავშირებულ საკითხზე. წინააღმდეგ შემთხვევაში, ავღმოჩნდებით იგივე მოცემულობის წინაშე, როდესაც დადგენილი ვადის ამოწურვამდე კვლავ ვერ მოესწრება შესაბამისი საკანონმდებლო ცვლილებების მომზადება.
„ეს შენ გეხება - ისევ გვისმენენ" მოანწილე არასანთვრობოები მიიჩნევენ, რომ ადამიანის სამოქალაქო უფლებების დაცვის გარანტიების შექმნის გარეშე საქართველოს ვერ ექნება პრეტენზია ცივილიზებულ და დემოკრატიულ სახელმწიფოზე, რაც ამ საკითხებზე გადაწყვეტილების მიღებისას ნებისმიერმა პოლიტიკოსმა უნდა გაითვალისწინოს.
შეგახსენებთ, რომ 31 ოქტომბერს საქართველოს პრეზიდენტმა გიორგი მარგველაშვილმა პირველად გამოიყენა კონსტუტუციით მინიჭებული ვეტოს უფლება და მოტივირებული შენიშვნებით პარლამენტს უკან დაუბრუნა „ელექტრონული კომუნიკაციების შესახებ" კანონში წინა დღით მიღებული ცვლილებები.
ამასთან კამპანია ,,ეს შენ გეხება" მონაწილე არასამთავრობო ორგანიზაციები მივესალმებიან საქართველოს პრეზიდენტის ამ გადაწყვეტილებას.
პრეზიდენტის მოსაზრებით, უარი უნდა ითქვას წლების განმავლობაში ხელისუფლების მიერ დამკვიდრებული ტოტალური და უკონტროლო მიყურადების პრაქტიკაზე. 31 ოქტომბერს პარლამენტმა პრეზიდენტის წინადადებას მხარი დაუჭირა, და მიღებული ცვლილების თანახმად, 2015 წლის 1 მარტის ნაცვლად, ფარულ მოსმენებზე პირდაპირი წვდომის საკითხი 2014 წლის 1 დეკემბრამდე უნდა გადაწყდეს.