საქართველოს მთავრობის ადმინისტრაცია, "ღია მმართველობის პარტნიორობის" პროექტის ფარგლებში, რეგიონული მედიის წარმომადგენლებს მთავრობის ორწლიანი საქმიანობის ანგარიშს აცნობს.
შეხვედრა, მთავრობის ადმინისტრაციის ინციატივით, კაჭრეთში, სასტუმრო "ამბასადორში" იმართება და მას მთავრობის ადმინისტრაციის უფროსის მოადგილე ნინო კობახიძე უძღვება.
რეგიონული მედიის 30-ზე მეტ წარმომადგენელს მთავრობის ადმინისტრაციისა და სახელმწიფო უწყებების საზოგადოებასთან ურთიერთობის დეპარტამენტების ხელმძღვანელებმა წარუდგინეს ხელისუფლების ხედვა და გეგმები საზოგადოებასთან ურთიერთობისა და ღია მმართველობის მიმართულებით, ასევე მოისმინეს მათი მოსაზრებები ცალკეული სტრუქტურების მუშაობასთან დაკავშირებით. შეხვედრა, რომელიც UNDP-ის პროექტ "მმართველობის რეფორმის ფონდისა" და Sida-ს მხარდაჭერით იმართება, დისკუსიის ფორმატში მიმდინარეობს.
საქართველო, როგორც როგორც OGP-ის მმართველი კომიტეტის ერთ-ერთი წევრი, კვლავაც აქტიურად არის ჩართული საერთაშორისო ინიციატივის - "ღია მმართველობის პარტნიორობის" სამოქმედო გეგმაში. მთავრობის ადმინისტრაცია განაგრძობს ღია მმართველობის მეორე ეროვნული სამოქმედო გეგმის ფარგლებში დაკისრებული ვალდებულებების შესრულებას, რაც გულისხმობს მუდმივ კომუნიკაციას სახელმწიფო სტრუქტურებსა და საზოგადოებას შორის, უპრეცენდენტოდ მაღალ ღიაობას, ინფორმაციის საჯაროობას და მთავრობის საქმიანობაზე საზოგადოების ინფორმირებულობას.
პროექტის ფარგლებში, მთავრობის ორწლიანი საქმიანობის ანგარიშს ასევე გაეცნობიან არასამთავრობო სექტორის, საერთაშორისო ორგანიზაციების წარმომადგენლები და ექსპერტები. ინფორმაციის გავრცელებისა და გაცვლის მიზნით მოეწყობა დისკუსიები.
წლის ბოლომდე, ცენტრალური და ადგილობრივი ხელისუფლების წარმომადგენლები, საკუთარი საქმიანობის გასაჯაროების მიზნით, რეგიონებში მცხოვრებ მოსახლეობას შეხვდებიან.
ანგარიშვალდებულება და ღიაობა კვლავ მთავრობის უმთავრეს პრიორიტეტად რჩება.
