შსს-ს სასაზღვრო პოლიციის სანაპირო დაცვის დეპარტამენტის, საგამოძიებო-ოპერატიული მთავარი სამმართველოს დასავლეთის ოპერატიული სამმართველოს და გარემოს დაცვითი ზედამხედველობის დეპარტამენტის შავი ზღვის კონვენციური სამსახურის თანამშრომლებმა, ერთობლივად ჩატარებული ღონისძიების შედეგად, ლიბერიის დროშით მცურავი მშრალტვირთმზიდი გემი „AMANDA" ფოთის პორტის მე-8 ნავმისადგომთან ზღვის დაბინძურების ფაქტზე დააკავეს.
აღნიშნული გემის კაპიტნის მიმართ ზღვის დაბინძურების ფაქტზე დაიწყო საქმისწარმოება საქართველოს ადმინისტრაციულ სამართალდარღვევათა კოდექსის 58-ე პრიმა 2 მუხლის მე-7 ნაწილით. გემის კაპიტანს ბიუჯეტის სასარგებლოდ დაეკისრა ჯარიმა- 65 000 ლარი და გარემოზე მიყენებული ზიანის ანაზღაურება 4840 ლარის ოდენობით. ჯარიმის გადახდის შემდეგ გემს თავისუფალი ნაოსნობის უფლება მიეცა.
