შეფასებისა და გამოცდების ეროვნული ცენტრი, მერიის თანამშრომელთა ატესტაციის პირველი ეტაპის, ტესტირების შედეგების შესახებ, აპლიკანტთა საჩივრების მიღებას დღეს დაასრულებს. საჩივრების განხილვას სააპელაციო სასამართლო ხვალიდან დაიწყებს და სამი დღის ვადაში განიხილავს. საჩივრების განხილვის შემდეგ კი, მერია მეორე ტურს - გასაუბრებას გამოაცხადებს.
ამ დროისთვის, ცენტრში 5 განაცხადია შესული.
შეფასებისა და გამოცდების ეროვნული ცენტრის დირექტორის მოადგილე ივა მინდაძის ინფორმაციით, პირველადი მონაცემებით, ტესტირებაზე 485 თანამშრომელი გამოცხადა, მათგან მერიის მიერ დაწესებული 75%-იანი ბარიერი 195- მა გადალახა.
მუნიციპალიტეტის თანამშრომელთა ატესტაციის პირველი ეტაპი, ტესტირება 1-ელ ნოემბერს ტექნიკური უნივერსიტეტის პირველ კორპუსში ჩატარდა.
