პედაგოგების ხელფასთან დაკავშირებული საკითხი რამდენიმე დღეში გადაწყდება, - ამის შესახებ, განათლებისა და მეცნიერების მინისტრმა თამარ სანიკიძემ ჟურნალისტებს მთავრობის დღევანდელი სხდომის დაწყებამდე განუცხადა.
მისი თქმით, 2015 წელს განათლებისა და მეცნიერების სამინისტროს ბიუჯეტი არის მზარდი. მისივე ინფორმაციით, უწყების ბიუჯეტის დეტალებს, მთავრობის დღევანდელ სხდომაზე განიხილავენ.
"2015 წელს განათლებისა და მეცნიერების სამინისტროს ბიუჯეტი არის მზარდი. იზრდება როგორც საბიუჯეტო, ისე არასაბიუჯეტო სახსრები. ჩვენ დღევანდელ სხდომაზე განვიხილავთ კონკრეტულ მუხლებს და დავაზუსტებთ. გათვალისწინებული უნდა იყოს ასევე პარლამენტის შენიშვნები. ველოდებით, რომ პედაგოგების ხელფასებთან დაკავშირებული საკითხები, დღეს თუ არა, რამდენიმე დღეში გადაწყდება", - განაცხადა სანიკიძემ.