ჩეჩენი ეროვნების ორი ახალგაზრდა ქართველმა მესაზღვრეებმა საქართველოში არ შემოუშვეს. ისინი ქუთაისის აეროპორტიდან მოსკოვში გაამგზავრეს.
სახალხო დამცველის წარმომადგენლის განმარტებით რუსეთის მოქალაქეებმა მესაზღვრეებს ვერ განუმარტეს საქართველოში ჩამოსვლის მიზეზები, რაც მათი არ შეშვების საბაბი გახდა.
ჩეჩენი ეროვნების ახალგაზრდები ქუთაისში ბუდაპეშტიდან ჩამოფრინდნენ.
ერთ-ერთმა სოციალური ქსელით ვიდეოც გაავრცელა, სადაც საზღვარზე შეფერხების დეტალებს ყვება.
მისი თქმით, მათ რამდენიმე საათის განმავლობაში ხელ-ბორკილები ქონდათ დადებული და ტელეფონით სარგებლობის უფლებასაც არ აძლევდნენ.
სახალხო დამცველის წარმომადგენლის მადონა ბასილაძის განცხადებით, რუსეთის დეპორტირებული მოქალაქეებს ავიაკომპანიამ შეუძინა მოსკოვის მიმართულებით ბილეთები.