დედაქალაქის მუნიციპალიტეტის 36 თანამშრომელი ტესტირებაზე არ გამოცხადდა, ერთი კი, დაგვიანების გამო, ტესტირებაზე არ დაიშვა.
ტესტირებაში მონაწილეთა პირველი ნაკადის რეგისტრაცია დილის 9 საათზე დაიწყო, რეგისტრაციის პროცესი ერთ საათს გაგრძელდა, ატესტებზე მუშაობა კი, პლიკანტებმა 10 საათზე დაიწყეს.
თითოეულმა აპლიკანტმა, მერიის მიერ დაწესებული 75% -იანი ბარიერის გადასალახად, 60 საკითხიდან მინიმუმ 45 -ს უნდა გასცეს სწორი პასუხი.
შეფასების და გამოცდების ეროვნული ცენტრის დირექტორის მაია მიმინოშვილის თქმით, მერიის თანამშრომელთა ტესტირების პროცესი მშვიდ ვითარებაში მიმდინარეობს.
მიმინოშვილის განცხადებით, ტესტირების შინაარსობრივი და ორგანიზაციული ნაწილი შეფასების და გამოცდების ეროვნული ცენტრის მიერ მომზადდა და შესაბამისად, ტესტური დავალებების კონფიდენციალურობასთან დაკავშირებით პასუხისმგებლობას ცენტრი იღებს. მისივე თქმით, მერიას და სხვა უწყებებს ტესტურ დავალებებთან ხელმისაწვდობობა არ გააჩნია.
მუნიციპალიტეტის თანამშრომელთა ატესტაციის პირველი ეტაპი, ტექნიკური უნივერსიტეტის პირველ კორპუსში ტარდება.
