1 ნოემბერს, 12:00 საათზე „მოსიარულე ბიბლიოთეკა" ,,ვისოლის'' დიღმის ბენზინგასამართი სადგურიდან (აღმაშენებლის ხეივნის მე-13 კმ.) აიღებს გეზს ახალი მიმართულებით და მცხეთას, წეროვანსა და დუშეთს ესტუმრება. 2 ნოემბერს კი თიანეთსა და ნიქოზში იგეგმება ბიბლიოთეკების წიგნებით მომარაგება.
"წიგნიყველასოფელს" - არასამთავრობო, სახელმწიფო, საქართველოს საპატრიარქოს და კერძო სექტორის ერთიანი ძალისხმევით და ინტელექტუალური კლუბი „წიგნის მეგობრებისა'' და ორგანიზაცია ,,სტუდენტური ერთიანობის'' ინიციატივით ხორციელდება.სპორტისა და ახალგაზრდობის საქმეთა სამინისტროს, სსიპ ბავშვთა და ახალგაზრდობის განვითარების ფონდის, „ვისოლ ჯგუფის", საპატრიარქოს ახალგაზრდული მოძრაობა „დავითიანნის", „ბაკურ სულაკაურის გამომცემლობის", „პალიტრა L"-ის, გამომცემლობა „დიოგენეს", საქართველოს ეროვნული ბიბლიოთეკის, „თეგეტა მოტორსისა" და ქველმოქმედი საზოგადოების მხარდაჭერით სვანეთის, იმერეთის, კახეთის, მცხეთა-მთიანეთისა და აჭარის სოფლებისსასკოლო თუ ცენტრალური ბიბლიოთეკები საჭირო წიგნებით მომარაგდება. შესაბამისად, პროექტი რეგიონალური ცენტრებიდან მოშორებით მდებარე სოფლების მოსახლეობაში წიგნის პოპულარიზაციას ისახავს მიზნად.
პროექტი, რომელიც ბავშვთა და ახალგაზრდობის განვითარების საგრანტო კონკურსის გამარჯვებულია და ზემოთ ჩამოთვლილ, პარტნიორ ორგანიზაციების აერთიანებს 2014 წლის 1 აგვისტოდან დაიწყო. სწორედ, ამ დროიდან საზოგადოებას აქვს შესაძლებლობა დედაქალაქის ცენტრალურ უბნებში განთავსებულ „ვისოლის" ავტოგასამართ სადგურებზე, სუპერმარკეტების ქსელ „სმარტის" და ამერიკული რესტორნების ქსელ „ვენდის" ვაკისა და რუსთაველის ობიექტებზე, „დავითიანნის" ოფისებში რუსთაველის გამზ. N21/23-სა და სამების საკათედრო ტაძრის სამრეკლოში მიიტანოს წიგნები და გააჩუქონ ისინი მათთვის, ვისთვისაც წიგნი ხელმიუწვდომელია.
ეროვნული ბიბლიოთეკის მიერ წიგნების დახარისხების შემდგომ, რეგიონების მოსახლეობისათვის წიგნების მიწოდებაზე ,,მოსიარულე ბიბლიოთეკა'' ზრუნავს, რომელიც უწმინდესისადაუნეტარესისლოცვა-კურთხევითსაქართველოსსხვადასხვაკუთხეს სტუმრობს და ბიბლიოთეკებსწიგნებითამარაგებს.
„წიგნი ყველა სოფელს" გრძელვადიანი პროექტია და „მოსიარულე ბიბლიოთეკა" რეგიონების ბიბლიოთეკების მომარაგებას მომავალშიც გააგრძელებს.
