აჭარის ტელევიზიის თბილისის ბიურო დაიხურა. როგორც ,,ჯი-ეიჩ-ენთან" საუბარში ტელეკომპანიის თბილისის ბიუროს პროდიუსერმა პაატა შამუგიამ განაცხადა ბრძანებაში რომელიც მიიღეს მითითებულია რომ აღნიშნული გადაწყვეტილება განპირობებულია სამუშაო ძალის შემცირებისა და ეკონომიის მიზნით.
,,დღეს ბიუროში მოვიდა ბრძანება ტელეკომპანიის თბილისის ბიუროს გაუქმების თაობაზე და თანამშრომლებისთვის ხელშეკრულების ვადაზე ადრე შეწყვეტის შესახებ. როგორც ბრძანებაშია მითითებული აღნიშნული რეორგანიზაცია საჭირო გახდა სამუშაო ძალის შემცირებისა და ეკონომიის მიზნით", _განაცხადა შამუგიამ.
მისივე თქმით, თბილისის ბიურო ოფიციალურად მუშაობას 1-ელი ნოემბრიდან შეწყვეტს.
აჭარის ტელევიზიის თბილისის ბიუროში სულ 6 თანამშრომელი მუშაობდა.
