თბილისში, ყაზბეგის გამზირზე ორმხრივი სროლის შედეგად დაჭრილ პოლიციელს საავადმყოფოდან რამდენიმე დღეში გაწერენ. როგორც "ჯი-ეიჩ-ენს" თბილისის რესპუბლიკური საავადმყოფოს საზოგადოებასთან ურთიერთობის სამსახურის ხელმძღვანელმა ნატა ხურციძემ განუცხადა, მისი ბინაზე გაწერის საკითხი სავარაუდოდ, რამდენიმე დღეში გადაწყდება.
რაც შეეხება, დაჭრილი მოქალაქეს, მისი მდგომარეობა კვლავ კრიტიკულია.
შეგახსენებთ, შემთხვევა ყაზბეგის N 28-ში 18 ოქტომბერს მოხდა. შსსს-ს ინფორმაციით ლელა ბეჟანიშვილმა საპატრულო პოლიცია გამოიძახა და მის მეუღლე ბიძინა მურადაშვილსა და შვილს შორის წარმოქმნილი კონფლიქტის შესახებ აცნობა.
ადგილზე მისულ სამართალდამცველებს მოქალქემ ცეხლი გაუხსნა, რა დროსაც დაიჭრა პოლიციელი. ფაქტს, დაჭრილი პოლიციის თანამშრომლის მეწყვილის მიერ საპასუხო გასროლა მოჰყვა. გასროლის შედეგად დაიჭრა მოქალაქე ბიძინა მურადაშვილი.
