დღეს, 27 ოქტომბერს, პარლამენტის ჯანდაცვისა და სოციალურ საკითხთა კომიტეტის სხდომაზე ახალგაზრდა იურისტთა ასოციაციის მიერ წარმდგენილ საკანონმდებლო წინადადებას განიხილავენ, რომლის მიხედვით, საქართველოს შრომის კოდექსს ემატება ტერმინების - „დასვენების დრო" და „სამუშაო დრო" განმარტება.
ასევე, დამსაქმებელს ევალება, დასაქმებულს მისცეს შესვენება არანაკლებ ერთი საათისა, თუ სამუშაო დღის (ცვლის) ხანგრძლივობა აღემატება 6 საათს, თუ შრომითი ხელშეკრულებით, სამუშაოს სპეციფიკიდან გამომდინარე, სხვა რამ არ არის გათვალისწინებული.
