უფლებადამცველი მერბა ბლადაძე ადიგენის რაიონის სოფელ მოხეში განვითარებულ მოვლენებში ადგილობრვ ხელისუფლებას ადანაშაულებს და აცხადებს, რომ მომხდარზე მთელი პასუხისმგებლობა სამცხე-ჯავახეთის გუბერნატორს, აკაკი მაჭუტაძეს, ადიგენის რაიონის გამგებელ ზაქარია ენდელაძესა და „ქარული ოცნების" ადგილობრივ ხელმძღვანელობას ეკისრება.
„იმ ინფორმაციის საფუძველზე, რომელიც სოფელ მოხის მოსახლეობამ მომაწოდა, მოხში განვითარებული მოვლენები, არ შეიძლება, ცენტრალურ ხელისუფლებას დავაბრალოთ. მომხდარზე მთელი პასუხისმგებლობა უნდა აიღოს სამცხე-ჯავახეთის გუბერნატორმა აკაკი მაჭუტაძემ, ადიგენის რაიონის ამჟამინდელმა გამგებელმა ზაქარია ენდელაძემ, ადიგენის რაიონის „ქართული ოცნების" ხელმძღვანელობამ, ასევე, აჭარის მუფტმა ჯემალ პაქსაძემ და მისმა მოადგილე შანთაძემ. ეს ადამიანები წლევანდელი ადგილობრივი თვითმმართველობის არჩევნების წინ, სოფელ მოხში ჩასახლებულ აჭარლებს დაპირდნენ, რომ თუკი სოფელში „ქართული ოცნება" გაიმარჯვებდა, საnაცვლოდ, ყოფილი მეჩეთის შენობას გადასცემდნენ," - განუცხადა ბლადაძემ „ჯი-ეიჩ-ენ"-ს.
ამასთან, უფლებადამცველი საგამოძიებო უწყებებს მოუწოდებს, საბიუჯეტო რესურსის არჩევნებისთვის გამოყენებით დაინტერესდნენ.
„თუკი ყველა ეს ინფორმაცია დადასტურდა, დაუყონებლივ უნდა გადადგნენ სრულიად საქართველოს მუფთი ჯემალ პაქსაძე და მისი მოადგილე შანთაძე, რადგან მათ მოსხლეობა მოატყუეს. ამასთან როცა მუსულმანთა სულიერი ლიდერი რომელიმე პარტიის აქტივისტი ხდება,, მას მორალური უფლება აღარ აქვს, რომ იმამად იწოდებოდეს," - აღნიშნა მერაბ ბლადაძემ „ჯი-ეიჩ-ენთა" საუბრისას.