თბილოსობის დღესასწაულთან დაკავშიერებით, საპატიო თბილისელის წოდება დღეს, კიდევ 10 მოქალაქეს მიენიჭა, მათ შორის არიან: მეტროსადგურების პროექტების ავტორი - ლამარა აბაშმაძე, ლოტბარი - ანზორ ერქომაიშვილი, კომპოზიტორი გურამ ბზვანელი, მსახიობი - კახი კავსაძე, ფილოსოფოსი , მტარგმნელი და მწერალი - ბაჩანა ბრეგვაძე, ოფთოლმოლოგი, მედიცინის მეცნიერებათა დოქტორი - ივა ბერაძე, ანსამბლ "ქართული ხმების" წევრი - გია ჭირაქაძე, მეცნიერი, დავით ბააზოვის საქართველოს ებრაელთა ისტორიის მუზეუმის დირექტორი - გივი ღამბაშიძე, ასევე აშშ-ს ელჩი საქართველოში - რიჩარდ ნორლანდი და ისრაელის ელჩი საქართველოში - იუვალ ფუქსი.
ჯილდო საპატიო თბილისელებს, საკრებულოს განახლებულ შენობაში, თბილისის მერმა დავით ნარმანიამ გადასცა. დავით ნარმანიამ თბილობის დღესასწაული ყველა თბილისელს მიულოცა.
საპატო თბილისელის წოდება ხელოვნებისა და სპორტის თუ სხვა დარგის გამოჩენილ მოღვაწეებს, 1979 წლიდან, ტრადიციულად ყოველ წელს ენიჭბათ.
„თბილისობა - 2014" - ის ფარგლებში, საზეიმო ღონისძიებები ქალაქის ათივე რაიონის სხვადასხვა უბანში გაიმართება. ჩატარდება ღვინის ფესტივალი, სხვადასხვა კულტურული და სპორტული ღონისძიებები, ქართული რეწვის და ხელნაკეთი ნივთების გამოფენა-გაყიდვები, ფოლკლორული ანსამბლების და თანამედროვე შემსრულებელთა კონცერტები, სპექტაკლები და სხვა.
