27 ოქტომბერს, სტუდენტები ახალი პროექტის - "Tape protest"-ის განხორციელებას იწყებენ. რუსთაველის გამზირზე, მოსწავლე-ახალგაზრდობის სასახლის მიმდებარე ტერიტორიაზე ე.წ. ე.წ. "სკოჩისგან" აწყობილი ადამიანების ფიგურები განთავდება.
როგორც "ჯი-ეიჩ-ენს" აქციის ორგანიზატორმა გიორგი გაგუამ განუცხადა, ეს იქნება მშვიდობიანი პროტესტი, ჩვენს გარშემო არსებული აქტუალური პრობლემების მიმართ.
"ამ აქციას ვაწყობ რამდენიმე მეგობრის დახმარებით და დღის ბოლომდე გასტანს. ეს იქნება ამ ფორმით გავაპროტესტებთ არა მხოლოდ საქართველოში, არამედ, ზოგადად ბევრ ქვეყნანაში არსებულ პრობლემებს. მაგალითად, გენდერული უთანასწორობა, მმართველი ორგანოების უყურადღებობა დანაშაულთან მიმართებაში, ფანჯრებიდან ნაგვის გადაყრა, მარიხუანას მიმართ მცდარი საკანონმდებლო დამოკიდებულება, არაფრისმთქმელი ტელეპროგრამები და ასე შემდეგ", - აცხადებს ჯი-ეიჩ-ენთან" საუბარში გიორგი გაგუა.
მისივე თქმით, პროექტი დამოუკიდებელია და არ ემსახურება არც ერთ ორგანიზაციასა თუ პოლიტიკურ დაჯგუფებას. პროექტის სპეციფიკა მარტივია, ე.წ. "სკოჩისგან" აწყობილი ადამიანები სხვადასხვა გარემოში, თემატიკიდან გამომდინარე.
"ყველაფერი მარკ ჯენკინსით დაიწყო, ეს არის ამერიკელი ხელოვანი, რომელიც სხვადასხვა ქალაქებში, ქუჩებში დგამს თავის არტს, ატარებს ამ თემაზე უორქშოფებს აფრიკის სხვადასხვა ქვეყნებში და ასე შემდეგ. რამდენიმე წლის წინ მის შესახებ სოციალური მედიის წყალობით გავიგეთ და გაჩნდა სურვილი შექმნილიყო ეს მიცრე, მაგრამ იმედია ბევრის მთქმელი პროექტი. გზად, ქუჩაში თუ შემოგხვდათ "სკოჩის" ფიგურები, გადაიღეთ სურათი, დათაგეთ #tapeprotest და ჩვენც აუცილებლად ვნახავთ", - აცხადებს გაგუა.
