საქართველოში მომდევნო დღეების განმავლობაში წვიმიანი ამინდი შენარჩუნდება და ტემპერატურაც მნიშვნელოვნად დაიწევს. თუმცა როგორც ,,ჯი-ეიჩ-ენთან" საუბარში გარემოს ეროვნული სააგენტოს სინოპტიკოსმა ნაირა მანველიშვილმა განაცხადა, 24 ოქტომბერს საქართველოს უმეტეს რაიონებში უნალექო ამინდი შენარჩუნდება.
,,24 ოქტომბერს, ძირითად უნალექო ამინდი შენარჩუნდება, თუმცა 25 ოქტომბრიდან ამინდის გაუარესებაა მოსალოდნელი და წვიმას ველოდებით, მაგრამ ძლიერს არა", _ განაცხადა სინოპტიკოსმა ნაირა მანველიშვილმა.
მისივე განმარტებით, მომდევნო დღეების განმავლობაში ჰაერის ტემპერატურაც მნიშვნელოვნად დაიკლებს და აღმოსავლეთ საქართველოში დღის საშუალო ტემპერატურა 5-10 გრადუსის ფარგლებში შენარჩუნდება.
,,25 ოქტომბერს დასავლეთ საქართველოში დღის საშუალო ტემპერატურა 15-20 გრადუსამდე, ხოლო აღმოსავლეთ საქართველოში 13-18 გრადუსამდე შენარჩუნდება. თუმცა 26 ოქტომბერს აღმოსავლეთ საქართველოში ტემპერატურა მნიშვნელოვნად დაიკლებს და 5-10 გრადუსის ფარგლებში შენარჩუნდება. რაც შეეხება ჰაერის ტემპერატურას უშუალოდ თბილისში 25 ოქტომბერს მოსალოდნელია 17 გრადუსი სითბო, ხოლო 26 ოქტომბერს დღის საშუალო ტემპერატურა 8 გრადუსამდე მიაღწევს", _განაცხადა ,,ჯი-ეიჩ-ენთან" საუბარში ნაირა მანველიშვილმა.
მისივე განმარტებით, 26 ოქტომბერს საქართველოს მაღალმთიან რაიონებში მოსალოდნელია თოვა.