ადიგენის რაიონის სოფელ მოხეში მომხდარი დაპირისპირებისას დაკავებულ ერთ-ერთი პირი ჯანმრთელობის მდგომარეობის გაუარესების გამო, პოლიციის თანხლებით, საავადმყოფოში გადაიყვანეს. შინაგან საქმეთა სამინისტროს ინფორმაციით, გულზე ჩატარებული გამოკვლევის შემდეგ, დაკავებული საავადმყოფოდან ისევ წინასწარი დაკავების იზოლატორში დააბრუნეს.
სამცხე-ჯავახეთის პოლიციის მთავარ სამმართველოსთან ადგილობრივი მუსლიმი მრევლის აქცია ისევ გრძელდება. ისინი დაკავებული 14 პირის გათავისუფლებამდე დაშლას არ აპირებენ და აცხადებენ, რომ ადგილობრივები უმიზეზოდ დააკავეს.
11 პირის სასამართლო პროცესი, რომელთაც ბრალი ადმინისტრაციულ სამართალდარღვევათა კოდექსის 166-ე მუხლით ედებათ, ახალციხეში დაახლოებით 1 საათში დაიწყება, კდევ 3 პირის საქმის განხილვა კი ბორჯომში, სავარაუდოდ ხვალ გაიმართება. მათ ბრალი სისხლის სამართლის კოდექსის 353-ე მუხლის მე-2 ნაწილით ედებათ.
შეგახსენებთ, 14 ადგილობრივი გუშინ სოფელ მოხეში მომხდარი დაპირისპირებისას დააკავეს.