თბილისის მუნიციპალიტეტის საკრებულოს თავმჯდომარის მოადგილეები, გიორგი ტყემალაძე და მალხაზ მჭედლიშვილი სამუშაო ვიზიტით ნორვეგიაში იმყოფებიან.გიორგი ტყემალაძე და მალხაზ მჭედლიშვილი საქართველოს თვითმმართველობების სხვა წარმომადგენლებთან ერთად, ქალაქ სტავანგერში, საქმიანი ვიზიტით, ნორვეგიის სამეფოს საგარეო საქმეთა სამინისტროს ნორვეგიის ასოციაციამ მიიწვია.
ვიზიტისას განხილული იქნება ადგილობრივ თვითმმართველობებსა და ცენტრალურ ხელისუფლებას შორის არსებული ურთიერთობები, მუნიციპალიტეტის საჯარო და კერძო ინტერესები და ქალაქების აგრარულ-კულტურული და არქიტექტურული განვითარების საკითხები.
საქართველოს დელეგაციის წევრები, ვიზიტის ფარგლებში, ადგილობრივ და რეგიონალურ საკითხებზე უცხოელი კოლეგების გამოცდილებას გაიზიარებენ. შეისწავლიან ასევე ნორვეგიის რეგიონალური განვითარების მოდელს.
ნორვეგიაში გიორგი ტყემალაძის და მალხაზ მჭედლიშვილის სამუშაო ვიზიტი 25 ოქტომბერს დასრულდება.
შეგახსენებთ, რომ ევროსაბჭოს ადგილობრივ და რეგიონულ ხელისუფლებათა კონგრესმა 61-ით 1-ის წინააღმდეგ საქართველოში ადგილობრივი თვითმმართველობის არჩევნებთან დაკავშირებით რეზოლუცია დაამტკიცა. კონგრესმა საქართველოში ჩატარებული ადგილობრივი არჩევნები პოზიტიურად შეაფასა. ევროსაბჭოში დელეგეციის შემადგენლობაში გიორგი ტყემალაძე იმყოფებოდა.
