ინდივიდუალური მეწარმე არ არის იურიდიული პირი. ინდივიდუალური მეწარმე საქმიან ურთიერთობებში თავის უფლებებს ახორციელებს და მოვალეობებს ასრულებს, როგორც ფიზიკური პირი.
ინდივიდუალური მეწარმე საქმიან ურთიერთობებში გამოდის საკუთარი სახელით.
ინდივიდუალური მეწარმე თავისი სამეწარმეო საქმიანობიდან წარმოშობილი ვალდებულებებისათვის კრედიტორების წინაშე პასუხს აგებს პირადად, მთელი თავისი ქონებით.
ინდივიდუალური მეწარმე წარმოიშობა მხოლოდ მეწარმეთა და არასამეწარმეო (არაკომერციული) იურიდიული პირების რეესტრში რეგისტრაციის მომენტიდან.
თუ რეგისტრაციამდე მეწარმე სუბიექტის სახელით რაიმე მოქმედება შესრულდა, ამ მოქმედების შემსრულებლები და საწარმოს დამფუძნებლები პასუხს აგებენ პერსონალურად, როგორც სოლიდარული მოვალეები, მთელი თავისი ქონებით, პირდაპირ და უშუალოდ, ამ მოქმედებიდან წარმოშობილი ყველა ვალდებულებისათვის. ეს პასუხისმგებლობა ძალაში რჩება მეწარმე სუბიექტის რეგისტრაციის შემდეგაც.
ინდივიდუალური მეწარმის რეგისტრაციის გაუქმების შემთხვევაში მისი უფლებამონაცვლეა შესაბამისი ფიზიკური პირი.
ინდივიდუალური მეწარმის რეგისტრაციის გაუქმება
ინდივიდუალური მეწარმის რეგისტრაციის გაუქმება არის მეწარმეთა და არასამეწარმეო (არაკომერციული) იურიდიული პირების რეესტრში ინდივიდუალური მეწარმის შესახებ ინფორმაციის გაუქმება შესაბამისი გადაწყვეტილების მიღებით.
ინდივიდუალური მეწარმის რეგისტრაციის გაუქმებაზე უფლებამოსილი ორგანო არის სსიპ საჯარო რეესტრის ეროვნული სააგენტო.
ინდივიდუალური მეწარმის გარდაცვალების, გარდაცვალილად ან ქმედუუნაროდ გამოცხადების შემთხვევაში რეგისტრაციის გაუქმების დამადასტურებელი დოკუმენტი არის:
ა) გარდაცვალების მოწმობა;
ბ) ინდივიდუალური მეწარმის გარდაცვალილად/ქმედუუნაროდ გამოცხადების შემთხვევაში - სასამართლოს გადაწყვეტილება
ინდივიდუალური მეწარმის რეგისტრაციის გაუქმების წესი და პირობები
ინდივიდუალური მეწარმის რეგისტრაციის გაუქმების მიზნით დაინტერესებულმა პირმა უნდა მიმართოს საჯარო რეესტრის ეროვნული სააგენტოს ტერიტორიულ სამსახურს, იუსტიციის სახლს ან საჯარო რეესტრის ავტორიზებულ პირებს.
სარეგისტრაციოდ წარსადგენი დოკუმენტები:
1) განცხადება (აღნიშნული ივსება შესაბამის ელექტრონულ პროგრამაში უშუალოდ დოკუმენტების მიმღები ოპერატორის მიერ);
2) დაინტერესებული პირის პირადობის დამადასტურებელი დოკუმენტის (პირადობის მოწმობა, პასპორტი, ბინადრობის მოწმობა, პირადობის ნეიტრალურ მოწმობა ან ნეიტრალურ სამგზავრო დოკუმენტი) ასლი;
3) რეგისტრაციის გაუქმების დამადასტურებელი დოკუმენტი - გარდაცვალების მოწმობა ან სასამართლოს გადაწყვეტილება (ასეთის არსებობის შემთხვევაში);
4) მომსახურების საფასურის გადახდის დამადასტურებელი დოკუმენტი - 20 ლარი (1 სამუშაო დღის ვადაში).
შესაძლებელია ასევე დაჩქარებული მომსახურების განხორციელებაც. ამ შემთხვევაში მომსახურების საფასური და ვადა შემდეგნაირია:
განცხადების შეტანის დღეს - 50 ლარი.
ვადის ათვლა იწყება განცხადების შეტანის მომდევნო დღეს და მთავრდება ვადის ბოლო დღის გასვლასთან ერთად. თუ ვადის ბოლო დღე ემთხვევა უქმე ან დასვენების დღეებს, ვადის ბოლო დღეს