საქართველოს საზოგადოებრივ საქმეთა ინსტიტუტის (GIPA) მმართველობის სკოლამ ჩაატარა კვლევა, რომლის მიზანს საქართველოს საჯარო სამსახურში არსებული გამოწვევებისა და პრობლემატური საკითხების გამოვლენა წამოადგენდა.
კვლევის ფარგლებში ჩატარდა ინტერვიუები მაღალი რგოლის საჯარო მოსამსახურეებთან, მათ შორის მინისტრებსა და მინისტრის მოადგილეებთან, საშუალო და დაბალი რგოლის საჯარო მოსამსახურეებთან, სსიპ-ის ხელმძღვანელებთან, არასამთავრობო და დონორი ორგანიზაციების წარმომადგენელებთან.
აღნიშნული კვლევის პრეზენტაცია საქართველოს პარლამენტის ეროვნული ბიბლიოთეკაში 20 ოქტომბერს გაიმართა, სადაც ასევე შედგა საქართველოს საჯარო სამსახურის კონცეფციის წარდგენა. ღონისძიებაზე მოწვეულნი იყვნენ საქართველოს საჯარო და არასამთავრობო სექტორის, დონორი ორგანიზაციებისა და საგანმანათლებლო სფეროს წარმომადგენლები.
საქართველოს საზოგადოებრივ საქმეთა ინსტიტუტი წარმოადგენს არასამთავრობო ორგანიზაციას, რომელიც დაკავებულია ეფექტური მმართველობის, მედიისა და სამოქალაქო საზოგადოების ჩამოყალიბების ხელშეწყობით საქართელოში. დაარსებისთანავე ინსტიტუტმა თავი მოუყარა ბიზნესის, მედიის, სამოქალაქო საზოგადოებისა და საჯარო სამსახურის წარმომადგენლებს. არსებობის 20 წლის განმავლობაში ინტერაქტიული საგანმანათლებლო პროგრამების, კვლევებისა და ტრენინგების მეშვეობით ინსტიტუტმა თავისი წვლილი შეიტანა როგორც ეფექტური მმართველობის განვითარებაში სახელმწიფო, მუნიციპალურ და ადგილობრივდონეზე საქართველოში, ასევე დამოუკიდებელი და სიცოცხლისუნარიანი მედიის ჩამოყალიბებაში.დღეს ინსტიტუტი პასუხობს იმ გამოწვევას, რომელიც გარდამავალი პერიოდისათვის დამახასიათებელი ძვრების შედეგად საჯარო სექტორის როლის მნიშვნელოვანმა ცვლილებამ განაპირობა.