დღეს, 23 ოქტომბერს სოფელ მოხეში მომხდარი ინციდენტის შედეგად დაკავებული 14 ახალგაზრდის სასამართლო პროცესი ახალციხის რაიონულ სასამართლოში დღეს გაიმართება.
ახალციხის პოლიციის სამმართველოს შენობასთან გვიან ღამემდე გაგრძლედა მუსლიმი მოსახლეობის საპროტესტო აქცია. აქციის მონაწილეები დაკავებულების გათავისუფლებას ითხოვდნენ. აქციის მონაწილეების განცხადებით, მოთხოვნის დაუკმაყოფილების შემთხვევაში, ისინი პროტესტს განაგრძობენ.
გუშინდელი დაპირისპირების მიზეზი სოფლის ცენტრში მდებარე შენობაა, რომელშიც ადგილობრივ მუსლიმთა მონაყოლის მიხედვით, წლების წინ მეჩეთი ფუნქციონირებდა, ახლა კი ბიბლიოთეკის მოწყობა იგეგმება.
ადგილზე სიტუაცია მას შემდეგ დაიძაბა, რაც შენობასთან სარესტავრაციო სამუშაოები დაიწყო.
მშენებლების შეჩერება მუსლიმებმა რამდენჯერმე სცადეს, რაც მალე სამართალდამცველებთან დაპირისპირებაში გადაიზარდა.