დღეს, საჯარო რეესტრის ეროვნულ სააგენტოს სამუშაო ვიზიტით ტაჯიკეთის დელეგაცია ესტუმრა. ვიზიტის მიზანი, უძრავი ქონების რეგისტრაციის სფეროში საქართველოს, როგორც ტოპ-რეფორმატორი ქვეყნის გამოცდილების გაზიარებაა.
ვიზიტის განმავლობაში, ტაჯიკეთის დელეგაციის წევრები გაეცნობიან ქონების რეგისტრაციის სისტემის ქართულ მოდელს და ამ მიმართულებით განხორციელებულ რეფორმებს, რეგისტრაციის გამარტივებულ პროცედურებს და ელექტრონულ სერვისებს, ეროვნული სივრცითი მონაცემების ინფრასტრუქტურის შექმნის პროექტს, დამისამართების პროექტს, საკადასტრო მონაცემების დამუშავებისა და ელექტრონული რუკების შექმნის პროცესებს, ავტორიზებული პირების საქმიანობას და სხვა.