საქართველოში იტალიის ელჩმა ფედერიკა ფავიმ, საქართველოს განათლების მინისტრის პირველ მოადგილესთან ქეთევან ნატრიაშვილთან, "საქართველოს კარიტასის" პრეზიდენტთან მონს. ჯუზეპე პაზოტოსთან და პროფესიული კოლეჯის "მერმისის" დირექტორთან ერთად, გახსნა პროექტი "პროფესიული განათლება სადურგლო სახელოსნოს ბაზაზე".
სამწლიანი პროექტი, რომელიც ხორციელდება ტრენტოს ავტონომიური პროვინციის გულუხვი ფინანსური წვლილის წყალობით, ითვალისწინებს ოცდაათამდე სოციალურად დაუცველი ახალგაზრდის პროფესიული მომზადების კურსს (ქართულ და ინგლისურ ენებზე), რაც მომავალში გაამარტივებს მათ ინტეგრირებას შრომის ბაზარზე.
კურსი, რომლის ხანგრძლივობა რვანახევარ თვეს შეადგენს, ჩატარდება პროფესიულ კოლეჯ "მერმისში".
კურსდამთავრებულები მიიღებენ დიპლომს, რომელიც აღიარებულია საქართველოს განათლების სამინისტროს მიერ და, ასევე, აღიარებულია ევროპაში. სამწლიანი პროექტის დასრულების შემდეგ, შესაძლებელია თანამშრომლობის ახალი ფორმით განვითარება-გაღრმავება.
