ქალაქ თბილისის მუნიციპალიტეტის საკრებულოს თავმჯდომარე გიორგი ალიბეგაშვილი და საკრებულოს განათლებისა და კულტურის კომისიის თავმჯდომარე თამარ ტალიაშვილი საქართველოსა და გერმანიას შორის გაცვლითი პროგრამები ამოქმედების ცერემონიალს დაესწრნენ.
მემორანდუმის ხელმოწერა თბილისის 21-ე საჯარო სკოლაში გაიმართა.
ღონისძიების მიზანი თბილისის N21-ე საჯარო სკოლასა და გერმანიის ჰომბურგის ზაარპფალცის გიმნაზიას შორის პარტნიორული ურთიერთობების დამყარებაა, რომელიც მეგობრულ თანამშრომლობასა და მოსწავლეთა რეგულარული გაცვლითი პროექტების ხელშეწყობას გულისხმობს.
,,აღნიშნული თანამშრომლობა ხელს შეუწყობს გერმანელი და ქართველი ახალგაზრდების ურთიერთობების გაღრმავებას, ასევე მათ მიერ ორი ქვეყნის ისტორიისა და კულტურის პოპულარიზაციას'',-განაცხადა თამარ ტალიაშვილმა.
მემორანდუმს გერმანიის მხარემ, რომელიც ჰომბურგის ზაარპფალცის გიმნაზიის დირექტორის, მერიის განათლების კურატორისა და განათლების სამინისტროს სახით იყო წარმოდგენილი, უკვე მოაწერა ხელი.
რაც შეეხება ქართულ მხარეს, დოკუმენტის ერთ-ერთი ხელმომწერი საქართველოს განათლებისა მეცნიერების მინისტრის მოადგილე ლია გიგაური იყო.
ღონისძიებას ოფიციალურ პირებთან ერთად გერმანიის ელჩის მოადგილე საქართველოში და სხვა საპატიო სტუმრები დაესწრნენ.
მასალის გამოყენების პირობები
