როდის გაწერენ სოკოთი ინტოქსიკაციით იაშვილის ბავშვთა ცენტრალურ საავადმყოფოში მოთავსებულ 7 ბავშვვს დღეს, დღის მეორე ნახევარში გაირკვევა. ამის შესახებ, "ჯი-ეიჩ-ენს" იაშვილის ბავშვთა ცენტრალურ საავადმყოფოს საზოგადოებასთან ურთიერთობის სამსახურის უფროსმა თამუნა ციცელაშვილმა განუცხადა.
მისი ინფორმაციით, პაციენტები მკურნალობას ტოქსიკოლოგიური დეპარტამენტის განყოფილებაში განაგრძობენ. ისინი იაშვილში სხვადასხვა რაიონებიდან არიან გადაყვანილი. საავადყოფოში მკურნალობას განაგრძობს ასევე, ორი დღის წინ სოკოთი ინტოქსიკაციით გარდაცვლილი 10 წლის ბავშვის ძმაც, რომელიც იაშვილში ქარელის რაიონიდან გადაიყვანეს.
ტოქსიკოლოგები მოსახლეობას მოუწოდებენ, ტყეში და გზის პირას დაკრეფილი სოკოს მიღებისაგან თავი შეიკავონ.
