2015 წელი შესაძლოა ქალის წლად გამოცხადდეს, - ამის შესახებ, საქართველოს პრეზიდენტმა გიორგი მარგველაშვილმა, რელიგიური კომფესიების წარმომადგენლებთან გამართული შეხვედრის შემდეგ, ჟურნალისტებს განუცხადა.
პრეზიდენტის თქმით, ამ მიზნით, პრეზიდენტთან არსებული სპეციალური ჯგუფი შეიქმნება, რომელიც რელიგიური კომფესიების წარმომადგენლებისგან დაკომპლექტდება.
"ვაყალიბებთ გრძელვადიან სამოქმედო გეგმას. იყო იდეა, რომ 2015 წელი გამოცხადდეს ქალის წლად, რასაც მე მხარი დავუჭირე. ჩვენ ავიღეთ ის წილი პასუხისმგებლობა, რაც სახელმწიფოს გააჩნია, თუმცა მარტო სახელმწიფო ამას ვერ დაძლევს და ჩვენ, ყველას ერთად გვჭირდება დგომა", - განაცხადა გიორგი მარგველაშვილმა.
საქართველოს პრეზიდენტ გიორგი მარგველაშვილსა და რელიგიური კომფესიების წარმომადგენლებს შორის შეხვედრა, ავლაბრის რეზიდენციაში 2 საათის განმავლობაში მიმდინარეობდა. მთვარი განსახილველი თემა ქალთა მიმართ ძალადობის ფაქტები იყო. შეხვედრას პირველი ლედი, მაკა ჩიჩუაც ესწრებოდა.
