საქართველოს სახალხო დამცველი ქობულეთში, მუსლიმთა სასულიერო პანსიონის გახსნასთან დაკავშირებით განვითარებული მოვლენების განსახილველად აჭარის მთავრობის ხელმძღვანელს არჩილ ხაბაძეს შეხვდა.
შეხვედრაზე პრობლემის აღმოფხვრის გზებზე ისაუბრეს, სახალხო დამცველი მიიჩნევს, რომ ხელისუფლებამ სწრაფად და ეფექტურად უნდა იმოქმედოს, რათა მხარეებს შორის შეთანხმება დროულად იქნეს მიღწეული და უზრუნველყოფილი იყოს კონსტიტუციით გარანტირებული რელიგიის თავისუფლება. „მნიშვნელოვანია, გამოძიება დასრულდეს რაც შეიძლება მალე და სწორი რეაგირება მიეცეს მომხდარ ფაქტს. გამოძიება სამწუხაროდ დღემდე გაჭიანურებულია და ადეკვატური არ არის ის სასჯელი, რომელიც მოჰყვა ინცინდენტს. გარდა ამისა, მნიშვნელოვანია მოლაპარაკებების პროცესი უფრო აქტიურად გაგრძელდეს რეალური შედეგის მისაღებად", - აცხადებს სახალხო დამცველი.
მასალის გამოყენების პირობები
