თურქეთის რესპუბლიკის საელჩოს, იუნუს ემრეს სახელობის ინსტიტუტის თბილისის თურქული კულტურის ცენტრისა და საქართველოს კულტურისა და ძეგლთა დაცვის სამინისტროს მიერ ა.წ. 20 ოქტომბრიდან 20 ნოემბრამდე თბილისში ჩატარდება თურქული კულტურის დღეები. კულტურის დღეების გახსნა მოეწყობა 2014 წლის 20 ოქტომბერს 19.30 სთ-ზე - „ქარვასლაში" (თბილისის ისტორიის მუზეუმი, სიონის ქ. #8), სადაც „ანკარის ოლგუნლაშმას ინსტიტუტი" წარმოგიდგენთ ტრადიციული თურქული კოსტიუმების ჩვენებას „ნაკვალევი" და ხელნაკეთი ნივთების გამოფენას.
როგორც „ჯი-ეიჩ-ენს" საქართველოში თურქეთის საელჩოდან აცნობეს, ღონისძიებას, მიზნად ისახავს თურქ და ქართველ ხალხებს შორის კულტურის სფეროში კავშირების განმტკიცებასა და თურქული კულტურის სხვადასხვა დარგების ქართველი ხალხისათვის გაცნობას.
მასალის გამოყენების პირობები
