საქართველოში ტარდება გაეროს კვირეული 2014. კვირეულის ფარგლებში 15 ოქტომბერს გაიმართა სოფლად მცხოვრები ქალების საერთაშორისო დღისადმი მიძღვნილი საზეიმო ღონისძიება, ასევე წაღვერში გაიხსნა ახალი ტურისტული ინფრასტრუქტურა, ხოლო 16 ოქტომბერს ჩატარდა მსოფლიო სურსათის დღისადმი მიძღვნილი ღონისძიება.
კვირეულის სლოგანია: საქართველო და გაერო - მომავალი, რომელიც გვსურს.
გაეროს სააგენტოები მონაწილეობას მიიღებენ კვირეულის ღონისძიებებში, რომელიც გაიმართება 17-24 ოქტომბერს თბილისსა და რეგიონებში. კერძოდ, დაგეგმილია შეხვედრები და დისკუსიები; გამოფენები; საინფორმაციო სესიები და კონფერენციები, და სხვ.
20 ოქტომბერს, 18:00 საათზე მთაწმინდის პარკში , საქართველოში გაეროს მოსახლეობის ფონდის მოღვაწეობის 15 წლის აღსანიშნავი საზეიმო მიღება გაიმართება..
23 ოქტომბერი, 16:00 - სასტუმრო ბეტსი, მაყაშვილის ქ. 32./43, თბილისი:
ღია კარის დღე: ქალები, მშვიდობა და უსაფრთხოება
24 ოქტომბერი, 17:00 საათი - მრგვალი ბაღი, თბილისი:
გაეროს ღია კარის დღე. ყველა მსურველს საშუალება ექნება, გაეროს გაუგზავნოს მიმართვა. ამ მიზნით მრგვალ ბაღში განთავსდება გზავნილების ყუთი და ღია ტრიბუნა. ასევე დაგეგმილია ახალგაზრდული ღონისძიებები და კონცერტი.
