ილიას სახელმწიფო უნივერსიტეტში დღეს მომხდარი მკვლელობასთან დაკავშირებით, 18:00 საათზე იუსტიციის სამინისტროსთან საპროტესტო აქცია გაიმართება.
აქციის მონაწილეები მოითხოვენ შეწყდეს ქალებზე ძალადობა და სამართალდამცავ უწყებას დროული რეაგირებისკენ მოუწოდებენ.
როგორც "ჯი-ეიჩ-ენს" აქციის ერთ-ერთმა მონაწილემ, ჟურნალისტმა ხათუნა პაიჭაძემ განუცხადა, ეს გადაწყვეტილება, ბოლო პერიოდში გახშირებული ქალებზე ძალადობისა და მკვლელობების შემთხვევების გამო მიიღეს.
აქცია ცოტა ხნის წინ სოციალური ქსელით დაანონსდა. აქციის მონაწილეები იუსტიციის სამინისტროსტან ტრანსპარანტებითა და სასტვენებით მივლენ.
