პარლამენტმა მესამე მოსმენით, ერთხმად, საკანონმდებლო პაკეტი დაამტკიცა, რომელიც ოჯახში ძალადობის წინააღმდეგ ახალი ნორმების შემოღებას ითვალისწინებს.
კენჭისყრის დაწყების წინ პარლამენტის თავმჯდომარე დავით უსუფაშვილი "ილიაუნში" მომხდარ ტრაგედიას გამოეხმაურა.
"პროექტს ჩვენ კენჭს ვუყრით იმ საზარელი ტრაგედიის ფონზე, რომელიც ილიას უნივერსიტეტში დატრიალდა. იქნებ ამ კანონებით შევეხმინოთ ამ უმძიმეს მდგომარეობას, მაგრამ მხოლოდ კანონი ვერაფერს უშველის", - განაცხადა დავით უსუფაშვილმა.
შეგახსენებთ, რომ ილიაუნიში ქმარმა მეუღლე ცეცხლსასროლი იარაღით მოკლა, შემდეგ თავი მოიკლა. ინგლისური ენის ლექტორი კი რესპუბლიკურ საავადმყოფოში ოპერაციის დროს გარდაიცვალა.