სრულიად საქართველოს კათოლიკოს- პატრიარქი, მცხეთა-მთიანეთის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე დელეგაციის წევრებთან ერთად, კვიპროსში გაემგზავრა.
გამგზავრებამდე უწმინდესმა აეროპორტში ჟურნალისტებთან კომენტარი არ გააკეთა.
როგორც "ჯი-ეიჩ-ენს" საპატრიარქოს საგარეო საქმეთა განყოფილების ხელმძღვანელმა, მეუფე გერასიმემ განუცხადა, უწმინდესის ვიზიტი კვიპროსში 22 ოქტომბერის ჩათვლით გაგრძელდება.
მისივე თქმით, კვიპროსში ვიზიტის ფარგლებში, უწმინდესი და უნეტარესი სრულიად საქართველოს კათოლიკოს-პატრიარქი, შეხვდება ქართული დიასპორის წარმომადგენლებს. ამასთან პატრიარქი ესტუმრება ღალიის ქართულ მონასტერს სადაც პარაკლისს გადაიხდის.
