თბილისის მერიის თანამშრომელთა ატესტაციის პირველი ეტაპი, რომელიც ტესტირებას მოიცავს, 1-ელ ნოემბერს ჩატარდება. მუნიციპალუტეტის იმ თანამშრომლებს კი, რომლებიც პირველ ეტაპს გადალახავს, მეორე ეტაპი, გასაუბრება ერთი კვირის ვადაში ჩაუტარდებათ.
როგორც დედაქალაქის მერი დავით ნარმანია განმარტავს, ტესტირების პროცესთან თბილისის მერიას არანაირი შეხება არ აქვს, პროცესს მთლიანად გამოცდების ეროვნული ცენტრი ჩაატარებს.
შეგახსენებთ, დედაქალაქის მერიაში დაგეგმილ ატესტაციას "ნაციონალური მოძრაობის" პროტესტი მოჰყვა. მათი თქმით, ტესტირების პროცესი არასამართლიანად წარიმართება, რადგან მუნიციპალიტეტებში დასაქმებულ მერიის ხელმძღვანელთა ახლობლებს ტესტები წინასწარ დაურიგდათ.
ბრალდებას მერიაში უპასუხეს და განაცახდეს, რომ ეს იყო სავარჯიში ტესტები, რომელიც ყველასთვის ხელმისაწვდომია.
