საქართველოს პრემიერ-მინისტრი ირაკლი ღარიბაშვილი ვეტერანებს ვეტერანის დღეს ულოცავს.
„ჩვენ ძალისხმევას არ დავიშურებთ იმისათვის, რომ ჩვენი სახელოვანი ვეტერანები იყვნენ სათანადოდ დაფასებულნი და მათი ცხოვრების პირობები იყოს ღირსეული. მჯერა, სამშობლოს წინაშე მათი თავდადება უკვალოდ არ ჩაივლის, და ჩვენ, ყველანი ერთად, მივაღწევთ იმას, რომ საქართველო გამთლიანდება, ფეხზე დადგება და სულ მალე ისეთი ქვეყანა გვექნება, როგორზეც ჩვენი დიდი წინაპრები ოცნებობდნენ,"-აღნიშნავს პრემიერ-მინისტრი ვეტერანებისადმი მიძღვნილ მილოცვაში.
ვეტერანის დღე საქართველოში 17 ოქტომბერს აღინიშნება.
