სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე კვიპროსის სასულიერო და საჯარო პირებთან უმაღლესი დონის შეხვედრებს გამართავს. როგორც ,,ჯი-ეიჩ-ენთან" საუბარში საპატრიარქოს საგარეო საქმეთა განყოფილების ხელმძღვანელმა, ზუგდიდისა და ცაიშის მიტროპოლიტმა გერასიმემ განაცხადა უწმინდესის კვიპროსში ვიზიტი 17-22 ოქტომბერს შედგება.
,, უწმინდესი მიმგზავრება კვიპროსის მთვარეპისკოპოსის მიწვევით. ვიზიტის ფარგლებში გაიმართება შეხვედრები როგორც სასულიერო, ასევე კვიპროსის პრეზიდენტთან, საგარეო საქმეთა, კულტურისა და განათლების მინისტრთან. ასევე ჩატარდება ერთობლივი წირვა", _განაცხადა ,,ჯი-ეიჩ-ენთან" საუბარში მეუფე გერასიმემ.
მისივე თქმით, კვიპროსში ვიზიტის ფარგლებში უწმინდესი და უნეტარესი სრულიად საქართველოს კათოლიკოს-პატრიარქი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია შეხვდება ქართული დიასპორის წარმომადგენლებს. ამასთან პატრიარქი ესტუმრება ღალიის ქართულ მონასტერს სადაც პარაკლისს გადაიხდის.
