ჭიათურაში, კაცხის მაცხოვრის შობის სახელობის ტაძრის 1000 წლისა და სახალხო ზეიმ ჭიათურობისადმი მიძღვნილი ღონისძიებები იმართება. საიუბილეო ღონისძიების ფარგლები, ხვალ, 1924 წლის აჯანყების დროს გარდაცვლილ გმირთა მემორიალის გახსნაა დაგეგმილი, ამის შემდეგ კი, ჭიათურის აკაკი წერეთლის სახელობის სახელმწიფო დრამატულ თეატრში, სპექტაკლი: „ლამბალო და ყაშა" გაიმართება.
კვირეულის ფარგლებში, დაგეგმილია 1000 ძირი ფიჭვის ნერგისა და ჭიათურისა და საჩხერის მიტროპოლიტ დანიელის მიერ ნაჩუქარი ბზების დარგვა.
ღონისძიების დასკვნით დღეს, 19 ოქტომბერს, კაცხის მაცხოვრის შობის სახელობის ტაძარში სადღესასწაულო წირვა აღევლინება, მოგვიანებით კი, წმიდა ანდრია პირველწოდებულის სახელობის მშენებარე ტაძარიდან, კაცხის მაცხოვრის შობის ტაძრამდე, ფეხით მსვლელობა მოეწყობა.
კვირეულის ფარგლებში, ასევე დაგეგმილი სხვადასხვა ტიპის ღონისძიებები, მათ შორის, საპატიო მოქალაქეთა დაჯილდოება, ხელთნაკეთი ნივთების გამოფენა, ტურნირები მინი ფეხბურთში, ჭადრაკსა და მაგიდის ჩოგბურთში.