მწერალთა სახლში, "იდენტობამ" ახალ კვარტალურ ბეჭდური გამოცემა "17", წარადგენა.
გამომცემელთა განმარტებით, "17" საზოგადოებრივი და პოლიტიკური მოვლენების ანალიზს ისახავს მიზნად; მასში აქცენტი უმცირესობათა და კონკრეტულად, ლგბტ ადამიანთა პრობლემებზე კეთდება.
„რატომ 17 და 17 მაისი? ეს თარიღი არა მხოლოდ ჰომოფობიასა და ტრანსფობიასთან ბრძოლის საერთაშორისო დღეა, არამედ საქართველოს უახლეს ისტორიაში სიძულვილისა და შეუწყნარებლობის მასობრივი გამოხატულების აღმნიშვნელ სიმბოლოდაც იქცა. 2012, 2013 და 2014 წლების 17 მაისის მოვლენებმა საქართველოს დემოკრატიული განვითარების შემაფერხებელი პროცესები და მომძლავრებული ძალადობრივი იდეოლოგიები გამოააშკარავა.", - აცხადებენ გამომცემლები.
მათივე განმარტებით, 17 მაისი ჩვენი საზოგადოების წინაშე არსებულ მრავალმხრივ გამოწვევებზე მეტყველებს. ესენია: აგრესიული ნაციონალიზმისა და ფუნდამენტალიზმის ზრდა, უმცირესობათა ჯგუფების მიმართ დამკვიდრებული აგრესია და საზოგადოებაში დემოკრატიული პრინციპების უპატივცემულობა. ჟურნალ "17-ის" მიზანიც ამ თანამედროვე პროცესებისა და გამოწვევების კრიტიკული ანალიზია კვლევის, პოლიტიკის ანალიზის, რეალური ისტორიების მოხმობისა და სხვადასხვა სფეროში მოღვაწე ადამიანთა თვალსაზრისის წარმოჩენის მეშვეობით. "17" იმ სოციალური კონტექსტსა და ფაქტორებს აანალიზებს, რომლებიც სოციალური ჯგუფების გარიყულობასა და ჩაგვრას ახალისებენ. ამით, ის საქართველოში ლგბტ ადამიანების წინაშე მდგარი პრობლემების ხილვადობას გაზრდის. ჟურნალის კონცეფცია საქართველოს რეალობისთვის უნიკალურია. ტექსტები ხელმისაწვდომი ენითაა დაწერილი და აკადემიურ, ანალიტიკურ, პოპულარულ ნაშრომებს აერთიანებს. "17" ძალადობის, მასკულინობისა და პატრიარქალური კულტურის მრავალმხრივ კრიტიკას ეწევა.
ჟურნალის - რომლის ტირაჟი 1000 ერთთეულს შეადგენს - საინაუგურაციო ქართულენოვანი გამოცემა ოქტომბერში, ხოლო ინგლისურენოვანი ვერსია ნოემბერში გამოიცემა და უსასყიდლოდ გავრცელდება. პუბლიკაცია პროექტის - "ადვოკატირება ინფორმირების მეშვეობით" - ფარგლებში, თბილისში ნიდერლანდების სამეფოს საელჩოს ფინანსური მხარდაჭერით გამოიცემა.
