სხდომას ესწრებიან აჭარის მინისტრთა კაბინეტის წევრები და მუნიციპალიტეტის გამგებლები, ასევე აჭარის საგზაო დეპარტამენტის და გარემოს დაცვის სამმართველოს ხელმძღვანელები.

კომისიის წევრები განიხილავენ დღის წესრიგით გათვალისიწნებულ შემდეგ საკითხებს:

1. მიმდინარე წლის სექტემბრის თვეში მოსული უხვი ატმოსფერული ნალექის შედეგად ინფრასტრუქტურაზე მიყენებული ზიანის ლიკვიდაციისათვის საჭირო 1 071 000 ლარის გამოყოფის თაობაზე ინფორმაციის განხილვა და გასატარებელი ღონისძიებები.

მომხსენებელი: აჭარის ა/რ მთავრობის საქ¬ვეუწყებო დაწესებულება - საავტომობილო გზებისა და სამელიორაციო სისტემების მართვის დეპარტამენტის უფროსი გიორგი რომანაძე.

2. ქედის მუნიციპალიტეტის გამგებლის მიერ წარმოდგენილი ინფორმაცია, ამავე მუნიციპალიტეტში ხანძრის შედეგად დაზარალებული 1 ოჯახის თაობაზე.

მომხსენებელი: ქედის მუნიციპალიტეტის გამგებელი დავით დუმბაძე.

3. ქ. ბათუმის მუნიციპალიტეტის მერის მიერ წარმოდგენილი ინფორმაცია მიმდინარე წლის 20-23 სექტემბერს მოსული უხვი ნალექის შედეგად დაზარალებული ოჯახების თაობაზე, კერძოდ:
3.1. დანართი N-1-ით წარმოდგენილი 403 ოჯახის სია, რომელთაც დაუზიანდათ საყოფაცხოვრებო ნივთები.
3.2. მეწყრული პროცე¬სებითა და უხვი ნალექის შედეგად ადი¬დე¬ბული მდინარეებით დაზიანებული 52 სახლისა და მიმდებარე ინფრასტრუქტურის აღდგენის/გამაგრების (დანართი N-2) ამსახველი საპროექტო-სახარჯთაღიცხვო დოკუმენტაციის შეს¬ყიდვისა და მეორე ეტაპზე სარეაბილიტაციო, გამაგრებითი და აღდგენითი სამუშაოების წარმოებისათვის საჭირო ფინანსურ სახსრების მოძიების თაობაზე.

მომხსენებელი: ქ. ბათუმის მუნიციპალიტეტის მერი გიორგი ერმაკოვი.

4. ქობულეთის მუნიციპალიტეტის გამგებლის მიერ წარმოდგენილი ინფორმაცია, 20-23 სექტემბერს მოსული უხვი ნალექის შედეგად დაზარალებული 120 ოჯახების თაობაზე .

მომხსენებელი: ქობულეთის მუნიციპალიტეტის გამგებელი სულხან ევგენიძე.

5. ხელვაჩაურის მუნიციპალიტეტის გამგებლის მიერ წარმოდგენილი ინფორმაცია, 20-23 სექტემბერს მოსული უხვი ნალექის შედეგად დაზარალებული 108 ოჯახების თაობაზე .

მომხსენებელი: ხელვაჩაურის მუნიციპალიტეტის გამგებელი ნადიმ ვარშანიძე.