18 ოქტომბერს მთელს საქართველოში არამდგრადი ამინდი და წვიმაა მოსლოდნელი, - ამის შესახებ, "ჯი-ეიჩ-ენს" გარემოს ეროვნული სააგენტოს ჰიდრომეტეოროლოგიური სამსახურის უფროსმა სვეტლანა ნიორაძემ განუცხადა.
მისი თქმით, ამაღამ მთელს საქართველოში გამოიდარებს. დასავლეთ საქართველოში ზეგ ზოგგან იწვიმებს, 18 ში კი მთელს დასავლეთში მოსალოდნელია წვიმა. რაც შეეხება აღმოსავლეთ საქართველოს, აქ უახლოეს დღეებში, ზოგან ხანმოკლე წვიმაა ნავარაუდევი, ხვალ და ზეგ სითბოს ფონზე. 18-ში ტემპერატურა აქაც დაიკლებს.
გარემოს ეროვნული სააგენტოს ინფორმაციით, თბილისში ხვალ შესალოდნელია მცირე, ხანმოკლე წვიმა. ზეგ ღამისა და დღის საათებში წვიმაა მოსალოდნელი, ჰაერის ტემპერატურა თბილისში 16 და 17 ოქტომბერს 24 გრადუსს მიაღწევს. შაბათას დღისით მოსალოდნელია წვიმა, ტემპერატურა 20-22 გრადუსი იქნება.
სინოპტიკოსები არამდგრად ამინდს 18 ოქტომბრის შემდეგაც ელოდებიან.
