კახეთის გზატკეცილზე, ძმები ორბელიანის ქუჩაზე მომხდარი აფეთქების შედეგად 45 წლამდე კაცი დაშავდა. როგორც ,,ჯი-ეიჩ-ენს" თბილისის საგანგებო სიტუაციების მართვის სამსახურის წარმომადგენელემა კობა ბრეგაძემ განუცხადა, ჯერჯერობით, უცნობია აფეთქების გამომწვევი მიზეზი და ამას გამოძიება დაადგენს.
,,ერთსართულიანი ბარაკის ტიპის საცხოვრებელი სახლი აფეთქდა, დაახლოებით 50კვ.მ-მდე. შედეგად 45 წლამდე კაცმა მიიღო დაზიანება, რომელსაც დამწვრობა ვიზიუალურად გარედან ჰქონდა მიყენებული. იგი ამ დროისთვის გადაყვანილია რეფერალურ საავადმყოფოში", _აცხადებს კობა ბრეგაძე.
