საფრანგეთში საქართველოს საელჩოს, დიასპორის საკითხებში სახელმწიფო მინისტრის აპარატისა და ნოე ჟორდანიას ინსტიტუტის ორგანიზებით 2014 წლის 15-16 ოქტომბერს, თბილისში საქართველოს პარლამენტის ეროვნულ ბიბლიოთეკაში 1924 წლის ეროვნული აჯანყების 90-ე წლისთავისადმი მიძღვნილი კონფერენცია გაიმართება. კონფერენციის ფარგლებში ღონისძიების მონაწილეები კიდევ ერთხელ გაიხსენებენ 1924 წლის ეროვნულ აჯანყებას, ისაუბრებენ მის კულტურულ და პოლიტიკურ კონტექსტზე, ამ პერიოდის როლზე საქართველოს შემდგომი განვითარების პროცესში.
ღონისძიებაში მონაწილეობას მიიღებენ დიასპორის საკითხებში სახელმწიფო მინისტრი, გელა დუმბაძე, საქართველოს ელჩი საფრანგეთში, ეკა სირაძე-დელონე, საფრანგეთის ელჩი საქართველოში, რენო სალენსი და თბილისის ვიცე-მერი, ალექსანდრე მარგიშვილი.
აღსანიშნავია, რომ 1924 წლის აჯანყებისადმი მიძღვნილი ღონისძიება წელს პირველად ტარდება. ტრადიციულად ეს დღე აღინიშნებოდა საფრანგეთში, სადაც იქ მყოფი ქართველი ემიგრანტები იკრიბებიან ლევილის ქართულ სასაფლაოზე, შემდგომ კი ლევილის მამულში.
1924 წლის ეროვნული აჯანყებისადმი მიძღვნილი კონფერენცია საქართველოს პარლამენტის, საქართველოს პარლამენტის ეროვნული ბიბლიოთეკის, ფრანგული ინსტიტუტისა და ინალკოს ხელშეწყობით ტარდება.
მასალის გამოყენების პირობები
